02 (ދޭއް) އަހަރާއި 06 (ހައެއް) މަސްދުވަހުގެ މުއްދަތަށް ޖަލަށްލުމަށް ކުރިމިނަލްކޮޓުން ޙުކުމްކޮށްފައިވަނީ ކ.މާލެ، މއ.ޕިންކްޑްރީމް ޙުސައިން ފަޟީލުގެ މައްޗަށެވެ. ޙުސައިން ފަޟީލުގެ މައްޗަށ ޙުކުމްކޮށަފައިވަނީ 2013 ފެބުރުއަރީ 27 ވަނަދުވަހުގެ މެންދުރު 1:45 ހާއިރު ލޮނު ޒިޔާރަތްމަގުގައި ހުންނަ ” ޝޮޕް އެން ސޭވް” ފިހާރައިންވައްކަންކުރިކަމަށްބުނެ ޕްރޮސިކިއުޓާރ ޖެނެރަލްގެ އޮފީހުންކުރިމަނަލް ކޯޓަށް ހުށަހަޅަފައިވާ މައްސަލައިގައެވެ.  މިމައްސަލަ ކޯޓަށް ހުށަހަޅާފައިވަނީ 2013 ވަނައަހުރު ޑިސެމްބަރު މަހުގެ 12 ވަނަ ދުވަހުއެވެ.

“ޝޮޕް އެންޑް ސޭވް” ފިހާރައިގާ ހުރި ކޮސްމެޓިކްސް ސާމާނުތަކުގެ ތެރެއިން އެންޝޯންޓާ ބްރޭންޑްގެ 10 (ދިހައެއް) ފުޅި ލޯޝަން ވަގަށް ނަގާފައިވާކަމަށް މިމައްސަލާގައި ދައުވާލިބޭ ކ.މާލެ، މއ.ޕިންކްޑްރީމް ޙުސައިން ފަޟީލުވަނީ ޝަރިޢަތުގެ މަޖިލީހުގައި އިޢުތިރާފުވެފައެވެ.  މައްސަލަ ހިންގުމަށްޓަކައި މައްސަލަ ހުށަހެޅި ދުވަހުންފެށިގެން ތަފާތު ފަސްފަހަރެއްގެ މަތިން މައްސަލަވަނީ ޝެޑިއުލްކޮއްފައެވެ. މިއަދު (06 އެޕްރީލް 2014) ގައި ޙުސައިން ފަޟީލު ކޯޓަށް ހާޟިރުކޮށްފައިވަނީ ފުލުހުންގެ ބެލުމުގެ ދަށުންނެވެ. ޙުސައިން ފަޟީލުގެ ކުށުގެ ރިކޯޑަށް ބަލާއިރު، މަސްތުވާތަކެތީގެ މައްސަލައަކާއި ގުޅިގެން 2004 ވަނަ އަހަރުގެ އޮކްޓޯބަރ މަހުގެ 03 ވަނަ ދުވަހު 06 (ހައެއް) އަހަރުދުވަހުގެ މުއްދަތަށް ޖަލަށްލުމަށް ޙުކުމްކޮށްފައިވާކަމާއި، 2013 ވަނަ އަހަރުގެ އެޕއްރީލުމަހުގެ 17 ވަނަދުވަހު ފިހާރައަކުން ވައްކަން ކުރުމުގެ ކުށް ސާބިތުވެ 01 (އެކެއް) އަހަރު ދުވަހުގެ މުއްދަތަށް އަރުވާލުމަށް ޙުކުމްކޮށްފައިވާކަން، ޙުސައިން ފަޟީލުގެ ކުށުގެ ރިކޯޑުން އެގެއެވެ.

މާރާމާރީ މައްސަލައެއްގައި، މާލެ ދަފްތަރު 2314 އަޙްމަދު ލިޔުޝާންގެ ބަންދާމެދު ގޮތެއް ނިންމުމަށް ކޯޓަށް ޙާޟިރުކޮށް ބަންދާމެދު ގޮތެއްނިންމުމުން، މުއްދަތު މަޖިލީހުގައި ހަޑިހުތުރުބަހުން ވާހަކަ ދައްކާ އެކަންހުއްޓުމަށް ތަކުރާރުކޮށް އެންގުމުންވެސް އެކަންހުއްޓާނުލާ ކޯޓުގެ ހުރުމަތް ކަނޑާލައިފާވާތީ އަޙްމަދު ލިޔުޝާން ހަމަސްދުވަހުގެ މުއްދަތަށް ޖަލަށްލުމަށް ޙުކުމް ކޮށްފިއެވެ.

ކ.މާފުށީ ޖަލުގައި ބަންދުގައިހުރި އަޙްމަދު ލިއުޝާން މާރާމާރީ ހިންގައިފައިވަނީ މިއަހަރު ފެބްރުއަރީ 24 ވަނަދުވަހު ކ.މާފުށީ ޖަލުގެ ގޮޅިގައިތިބި ބަޔަކާއެވެ. މިހާދިސާގައި ދެމީހަކަށް ބޮޑެތި ޒަހަމުތަކެއް ވަނީ ލިބިފައެވެ.

ކޯޓު ހުރުމަތް ރައްކާތެރި ކުރުމާއިބެހޭ ޤަވާޢިދުގެ 11 ވަނަ މާއްދާގެ (ހ) އާއި 17 ވަނަ މާއްދާއައް ރިޢާރަތްކޮށް ޤާނޫނުލްޢުޤޫބާތުގެ 88 ވަނަ މާއްދާގެ (ހ) ގެ ދަށުން އަޙްމަދު ލިއުޝާން ހަމަސްދުވަހަށް ޖަލައްލުމަށް ޙުކުމް ކޮށްފައިވާއިރު އަޙްމަދު ލިއުޝާންއަކީ ތަފާތު 14 ކުށެއްސާބިތުވެ ދިގުމުއްދަތަކަށް ޖަލައްލުމަށް ޙުކުމްކޮށްފައިވާމީހެކެވެ.

އަޙްމަދު ލިއުޝާން ކޮށްފައިވާ ކުއްކުށުގެ ތެރޭގައި ބަނގުރަލުގެ 2 މައްސައަކާއި، އަމުރަށް ނުކިޔަމަންތެރިވުމުގެ 2 މައްސައަކާއި، ވައްކަމުގެ މައްސައަކާއި، ވާޖިބަށް ހުރަސްއެޅުމުގެ މައްސައަކާއި، މަސްތުވާ ތަކެތީގެ 3 މައްސައަކާއި، މާރާމާރީގެ 3 މައްސައަކާއި، ފޭރުމުގެ މައްސައައިގެ އިތުރުން ދޮގު މަޢުލޫމާތު ދިނުމުގެ މައްސަލައެއް ހިމެނެއެވެ.

ގެއަކުން ދެ މޯބައިލް ފޯނު ވަގަށް ނެގުމުގެކުށުގެ ތުހުމަތުގައި ބަންދުކޮށް ބަންދާމެދު ގޮތެއްނިންމުމަށް ކޯޓަށް ޙާޟިރުކުރި ހ.ފިނިމާގެއާގެ އަޙުމަދު ނަބީލް ކްރިމިނަލް ކޯޓުގެ މުއްދަތު މަޖިލިހުގައި ހަޑިހުތުރުބަހުން ވާހަކަ ދެއްކުމުން 15 ދުވަހުގެ މުއްދަތަށް އަޙްމަދު ނަބީލު ޖަލަށްލުމަށް ޙުކުމްކޮށްފިއެވެ.

އަޙުމަދު ނަބީލް  15 ދުވަހުގެ މުއްދަތަށް ޖަލަށްލުމަށް ޙުކުމްކޮށްފައިވަނީ މުއްދަތު މަޖިލީހުގައި ހަޑިހުތުރުބަހުން ވާހަކަ ދެއްކުމުން އެކަން ހުއްޓުމައް ތަކުރާރުކޮށް އެންގުމުންވެސް އެކަން ހުއްޓާނުލާ ކޯޓުގެ ހުރުމަތް ކަނޑާލާފައިވާތީ، 2010/22 (ދިވެހިރާއްޖޭގެ ކޯޓުތަކާއިބެހޭ ޤާނޫނު)ގެ 76 ވަނަ މާއްދާގެ (ށ) ގެ ދަށުންނެވެ.

ހ.ފިނިމާގެއާގެ އަޙުމަދު ނަބީލްއަކީ 2008 ވަނައަހަރު  ފޭރުމުގެ މައްސަލައެއްގައި ތިންއަހަރު ދުވަހަށް އަދި 2010 ވަނައަހަރު މާރަމާރީގެ މައްސަލައެއްގައި ހަމަސް ދުވަހުގެ މުއްދަތަށް ޖަލައްލުމަށް ޙުކުމްކޮފައިވާ ކުށުގެ ރެކޯޑެއް އޮންނަ މީހެކެވެ.