މިއަދު މިކޯޓްގައި ބޭއްވުނު ބައްދަލުވުން ތަކުގައި ކޯޓުގެ ތާރީޚާ ބެހޭގޮތުން ކޯޓްގެ ލީގަލުން ވާހަކަފުޅުދެއްކެވިއެވެ. އަދި ކޯޓުންބަލާ މައްސަލަތަކާއި ހައްދު ތަޢުޒީރާއިބެހޭގޮތުން މަޢުލޫމާތު ދެއްވީ ކުރިމިނަލް ކޯޓްގެ އިސްޤާޟީ އަލްއުސްތާޛް ޢަބްދުﷲ މުޙައްމަދުއެވެ.

މިކޯޓްގެ އިސްޤާޟީގެ ވާހަކަފުޅަށްފަހު ދަރިވަރުންގެ ސުވާލުތަކަށް ޖާވާބުދިނުމުގެ ސެޝަނެއް ކުރިއަށް ގެންދެވުނެވެ.

މިބައްދަލުވުމުގައި މުޙްޔިއްދީން ސްކޫލްގެ 68 ދަރިވަރުންނާއިއެކު އެސްކޫލްގެ ދެޓީޗަރަކާއި، މިކޯޓުގެ ޤާޟީންނާއި، ވެރިންނާއި، މުވައްޒަފުން ބައިވެރިވިއެވެ. މިބައްދަލުވުން ނިންމާލުމުގެކުރިން ޙައްދުޖާހާހޮތާއި ޙައްދުޖެހުމަށް ބޭނުންކުރާ ދުއްރަ ދައްކާލެވުނެވެ. އަދި މިކޯޓްގެ ޝަރީއަތްކުރާ ކޯޓްރޫމްތައްވެސް ދައްކާލެވުނެވެ.

ގދ.ގައްދޫ ޖަނބުރޯޒްގަސްދޮށުގޭ މުޙައްމަދު ޝަފީޤް ފުލުހުންގެ ދައުރު އަދާކުރަންހުރި މީހަކަށް ޙަމަލާދިނުމުގެ ކުށުގައި ހަމަސްދުވަހަށް ޖަލަށްލުމަށް ޙުކުމްކޮށްފިއެވެ.

11 ޖޫން 2012 ދުވަހު 00:45 ހާއިރު، މއ.މާޖެހިވިލާ ސިޔާން ހާދީ ތޫނު އެއްޗަކުން ބަނގްލަދޭޝްގެ ރައްޔިތަކަށް ޙަމަލާދިންކަމަށް ތުހުމަތުކުރެވިގެން، އިސްކަންދަރުމަގު "އެމެޓީހިޔާ" ކައިރިން ފުލުހުންގެ ބެލުމުގެ ދަށަށް ސިޔާން ހާދީ ގެނެސްފައިވަނިކޮށް، މުޙައްމަދު ޝަފީޤު އެތަނަށްގޮސް ސިޔާން ހާދީ ފުލުހުންގެ ބެލުމުގެ ދަށުން ގެންދިއުމަށް ވަނީ މަސައްކަތްކޮށް ފައެވެ. އަދި ސިޔާން ހާދީ ފިލުވުމަށް މުޙައްމަދު ޝަފީޤް ވަނީ އެހީތެރިވެފައެވެ.

ފުލުހުންގެ ދައުރު އަދާކުރަންހުރި މީހަކަށް ޙަމަލާދިނުމުގެ ކުށުން ގދ.ގައްދޫ ޖަނބުރޯޒްގަސްދޮށުގެ މުޙައްމަދު ޝަފީޤު ކުށްވެރިވެއްޖެކަމަށް ކަނޑައަޅައަޅާފައިވާއިރު، ޕޮލިސް ކޯޕްރަލް ނާފިޛު ޢުމަރުގެ މޫނުމަތީގައި މުޙައްމަދު ޝަފީޤު ޖެހިތަން ދުށްކަމަށް ދައުލަތުން ހުށަހެޅި ހެކިން ވަނީ ހެކިބަސްދީފައެވެ.

މިމައްސަލައިގައި ހިމެނޭ މާލެ މއ.މާޖެހިވިލާ ސިޔާން ހާދީ ތޫނު އެއްޗަކުން ބަނގްލަދޭޝްގެ ރައްޔިތަކަށް ޙަމަލާދިނުމުގެ ކުށުގައި 26 މާރޗް 2013 ދުވަހު މިކޯޓުންވަނީ ސިޔާން ހާދީގެ މައްޗަށް 08 އަހަރުދުވަހުގެ މުއްދަތަށް ޖަލަށްލުމަށްވެސް ޙުކުމްކޮށް ފައެވެ.

ޙުކުމް>>>>>>>

މަލީޝާ ޙައްޖު އެންޑް ޢުމްރާ ސާވިސަސް  ގެ ވެރިޔާ ހުޅުމާލެ އާފިނިވިލާ އިސްމާއީލް ޢަބުދުއްލަތީފުގެ މައްޗަށް ޕްރޮސިކިއުޓަރ ޖެނެރަލްގެ ފަރާތުން މިއަދު (29 އޭޕްރީލް 2013 ) ގައި ކްރިމިނަލްކޯޓަށް ހުށަހަޅައިފިއެވެ.

އިސްމާއީލް ޢަބުދުއްލަތީފުގެ މައްޗަށް ޕްރޮސިކިއުޓަރ ޖެނެރަލްގެ ފަރާތުން އުފުލާފައިވަނީ ޚިޔާނާތްތެރި ވުމުގެ ކުށުގެ ދަޢުވާއެވެ. ދައުލަތުން މިމައްސަލަ ހުށަހަލާފައިވަނީ 92 މީހެއްގެ ހެކިބަޔާނާއެކުއެވެ.

ދައުލަތުންކުރި ދަޢުވާގައިވަނީ 1433 ވަނަ އަހަރު ޙައްޖަށް ގެންގޮސްދޭނެ ކަމަށްބުނެ އިސްމާއީލް އަބުދުއްލަތީފު ގިބައެއްގެ އަތުން ނަގާފައިވާ -/8,626,000ރ.(އައްމިލިއަން ހަލައްކަ ސައްބީސް ހާސް ރުފިޔާ)އަށް އިސްމާއީލް ޢަބުދުއްލަތީފު ޚިޔާނާތްތެރި ވެފައިވާކަމަށެވެ.

މިއަހަރުގެ އޭޕްރީލްމަހު 10 ވަނަދުވަހު ކްރިމިނަލް ކޯޓްގައި ބޭއްވުނު ޤާޟީންގެ ހަވަނަ މަޖިލިހުންވަނީ މައްސަލައާއި ގުޅޭ ލިޔުންތަކަށްއެދޭ ފޯމަށް އިސްލާޙު ގެނައުމަށް ނިންމަވާފައެވެ.

ޤާޟީންގެ މަޖިލިހުން ގެންނެވި އިސްލާޙަކީ ކްރިމިނަލް ކޯޓަށް ހުށަހެޅޭމައްސަލަތަކުގެ ލިޔުންތަށް ދޫކުރާއިރު އެލިޔުންތަކުގައި ހިމެނޭ ކުލަފޮޓޯޖެހި ކޮށްމެލިޔުމަކަށް =/30ރ ނެގުމަށެވެ. އަދި އެމައްސަލައާއި ގުޅޭލިޔެކިޔުންތަކުގެ ސީޑީ ދޫކުރާނީ =/50ރ ކަމަށާއި، އެމައްސަލައާއި ގުޅޭލިޔެކިޔުންތަކުގެ ޑީވީޑީ ދޫކުރާނީ =/100ރ އަށް ކަމަށެވެ.

މިގޮތަށް މި ކޯޓުގެ ޤާޟީންގެ ހަވަނަ މަޖިލިހުން ނިންމެވުމާ ގުޅިގެން މިއަންނަ މޭމަހުގެ އެއްވަނަ ދުވަހުންފެށިގެން މިކޯޓުން ދޫކުރާ މައްސަލައާއިގުލޭ ލިޔުންތަށް ދޫކުރެވޭނީ އެމައްސަލައާއިގުޅޭ ކުލަފޮޓޯޖެހި ކޮށްމެލިޔުމަކަށް =/30ރ ކަމަށާއި، އެމައްސަލައާއި ގުޅޭލިޔެކިޔުންތަކުގެ ސީޑީ ދޫކުރާނީ =/50ރ ކަމަށާއި، އެމައްސަލައާއި ގުޅޭލިޔެކިޔުންތަކުގެ ޑީވީޑީ ދޫކުރާނީ =/100ރ ކަން ޢާމުންގެ މަޢުލޫމާތަށް ޓަކައި ދަންނަވަމެވެ. އަދި ކުރިއެކޭވެސް އެއްގޮތަށް މިކޯޓުންދޫކުރާ މައްސަލައާއިގުޅޭ ލިޔުންތަކުގެ އާދައިގެ ކޮޕީ =/1ރ އަށް ދޫކުރަމުންގެންދާނެއެވެ.

ގއ.ދެއްވަދޫ ޑޯރެންސިވިލާ ޢަބްދުﷲ ޖުނައިދުއާއި، ގއ.ދެއްވަދޫ ހިލްވަރސަމް އަލީފް އިބްރާހީމް ޑައިމޯފިން ޓްރެފިކް ކުރުމުގެ ކުށުގައި ޢަބްދުﷲ ޖުނައިދުއާއި، އަލީފް އިބްރާހީމްކުރެ ކޮށްމެމީހަކު އެއްލައްކަ ރުފިޔާއިން ޖޫރިމަނާކޮށް އުމުރަށް ޖަލަށްލުމަށް ޙުކުމް ކޮށްފިއެވެ.

ޢަބްދުﷲ ޖުނައިދުއާއި، އަލީފް އިބްރާހީމްގެ މައްޗަށް ޙުކުމްކޮށްފައިވަނީ 27 ޖުލައި 2012 ދުވަހު 16:30 ހާއިރު، މއ.ވަވަތިގެ ކައިރީގައި މަސްތުވާތަކެތީގެ ވިޔަފާރިކުރަން އުޅޭކަމުގެ މަޢުލޫމާތު ފުލުހުންނަށް ލިބުމާގުޅިގެން، ފުލުހުން އެސަރަހައްދަށްގޮސް، ޢަބްދުﷲ ޖުނައިދުއާއި، ހިލްވަރސަމް އަލީފް އިބްރާހީމް ގެންގުޅުނު ކޮތަޅުޗެކުކުރިއިރު ކޮތަޅުންފެނުނު 50 (ފަންސާސް) ރަބަރު ޕެކެޓުގައި ހުރީ 198.4785 ގްރާމް ޑައިމޯފިން ކަން އެތަކެތީގެ ތަޙުލީލް ރިޕޯޓުން އެނގެން އޮންނާތީއެވެ.

ޤާނޫނު ނަންބަރު 2011/17 (މަސްތުވާތަކެއްޗާ ބެހޭ ޤާނޫނު) 103 ވަނަ މާއްދާގެ (ހ) ޙަވާލާދީ އެމާއްދާގެ (ނ) ގެ ދަށުން ޢަބްދުﷲ ޖުނައިދުއާއި އަލީފް އިބްރާހީމްގެ މައްޗަށް ދައުލަތުން ކޮށްފައިވާ ދަޢުވާގައިވަނީ ޑައިމޯފިން ޓްރެފިކް ކުރުމުގެ ކުށުގެ ދަޢުވާއެވެ.

ޢަބްދުﷲ ޖުނައިދުއާއި، އަލީފް އިބްރާހީމް ޢުމުރަށް ޖަލަށްލުމަށް ޙުކުމްކޮށްފައިވާއިރު، ޢަބްދުﷲ ޖުނައިދުއާއި، އަލީފް އިބްރާހީމް، ކުރެ ކޮށްމެމީހަކު -/100000 ރުފިޔާއިން ޖޫރިމަނާކޮށް، މިއަދުން ފެށިގެން 01 މަސްދުވަހުގެ ތެރޭގައި މިކޯޓަށް ދެއްކުމަށް ޢަބްދުﷲ ޖުނައިދުއާއި، އަލީފް އިބްރާހީމަށް އަންގައި، ޙުކުމްކޮށްފިއެވެ.

ޙުކުމް>>>>>>

ޝަރީޢަތުގެ މަޖިލިހުގައި ކޮށްމެމީހަކަށްވެސް އެމީހެއްގެ ދިފާޢުގައި ވާހަކަ ދެއްކުމުގެ ފުރުސަތުގެ ލިބިގެންވެއެވެ. ކުށުގެ ތުޙުމަތުކުރެވޭ މީހާ ބުއްދިސަލާމަތުން ހުރެ ޝަރީޢަތުގެ މަޖިލިހުގައި ވާ އިޢުތިރާފުއަކީ ސައްޚަ އިޢުތިރާފެއްކަމުގައި ބެލެވޭނެކަން ދިވެހިރާއްޖޭގެ ޖުމުހޫރިއްޔާގެ ޤާނޫނުއަސާސީގެ 52 ވަނަ މާއްދާއިންއެނގެއެވެ.

ޙުކުމް >>>>>

ފާހަގަކުރެވުނު ނުކުތާތަށް >>>>>

2010 ޑިސެމްބަރ 14 ވަނަ ދުވަހުގެ ވަގުތެއްގައި ''ޖަޒީރާ'' ބޯޓުން ގދ. މަޑަވެއްޔަށް ގިނަޢަދަދެއްގެ މަސްތުވާތަކެތި ގެންދިއުމުގެ ކުށުގައި ބަންގްލަދޭޝްގެ ރައްޔިތެއްކަމަށްވާ ނޮޒިރް އަޙްމަދު (ޕާސްޕޯޓް ނަންބަރު: X0821107) ޢުމުރަށް ޖަލަށްލުމަށް ޙުކުމް ކޮށްފިއެވެ.

ފުލުހުން މިތަކެތި އަތުލައިގަތްފާވަނީ ''ޖަޒީރާ'' ބޯޓުން ގދ. މަޑަވެއްޔަށް މަސްތުވާތަކެތި ގެންދާކަމަށް ފުލުހުންނަށް ލިބުނު މަޢުލޫމާތަކާއި ގުޅިގެން ''ޖަޒީރާ'' ބޯޓް ގދ. ތިނަދޫ ބަނދަރުގައި ބަނދަރުކުރުމުންނެވެ.

ގދ. ތިނަދޫގައި ތިއްބަވާ ފުލުހުން ''ޖަޒީރާ'' ބޯޓަށް އަރާ ބަލާފާސްކުރުމުގެ ތެރޭގައި އެ ބޯޓްގެ ވީލްހައުސްގެ ތެރެއިން ނޮޒިރް އަޙްމަދު ނަގާ ފުލުހުންނަށް ދެއްކި ކެމަލް ލައިޓް ސިނގިރޭޓް ހުސްކުރި ފޮއްޓެއްގެ ތެރޭގައި މަސްތުވާތަކެތި ހުރިކަން ނޮޒިރް އަޙްމަދު ޝަރީޢަތުގައި ދައްކާފައިވާ ވާހަކަތަކުން އެނގެއެވެ. އަދި މިފެނުނު ތަކެތި ތަޙްލީލުކުރިއިރު، އޭގައި 15.5204 ގްރާމް ޓެޓްރާހައިޑްރޯކެނަބިނޯލްއާއި 7.7217 ގްރާމް ކެނަބިނޯލްހުރިކަން އެތަކެތީގެ ތަޙްލީލް ރިޕޯޓުން ދައްކައެވެ.

މިއަދު ބޭއްވުނު ޝަރީޢަތުގެ މަޖިލިހުގައި ނޮޒިރް އަޙްމަދުގެ މައްޗަށް އިއްވި ޙުކުމުގައިވަނީ "ޤާނޫނު ނަންބަރު 77/17 (މަސްތުވާތަކެއްޗާއި ބެހޭ ޤާނޫނު)ގެ 2 ވަނަ މާއްދާގެ (ހ) ގެ ދަށުން މަނާކުރެވިފައިވާ މަސްތުވާއެއްޗެއް ވިޔަފާރީގެ ބޭނުމަށް އަތުގައި ބެހެއްޓުމުގެ ކުށުން ނޮޒިރް އަޙްމަދު ކުށްވެރިވެއްޖެ ކަމަށް ކަނޑައަޅާ، މިކުށުގެ ޢުޤޫބާތެއްގެ ގޮތުން ބުނެވިދިޔަ މާއްދާގެ (ރ) ގެ ދަށުން ބަނގްލަދޭޝްގެ ރައްޔިތެއްކަމަށްވާ ނޮޒިރް އަޙްމަދު (ޕާސްޕޯޓް ނަންބަރު: X0821107) އުމުރަށް ޖަލަށްލުމަށް ޙުކުމްކޮށްފީމެވެ."

ޙުކުމް >>>>>>

އދ.މަހިބަދޫ ދިލްދާރުގެ އިބްރާހީމް މުޢީން 2011 ވަނަ އަހަރު ޖެނުއަރީ 19 ވަނަދުވަހު 14 އަހަރުގެ ކުޑަ ކުއްޖަކާމެދު ގަދަކަމުން ބަދުއަޚްލާޤީ ޢަމަލު ހިންގާފައިވާކަން ޝަރީޢަތަށް ސާބިތުވާތީ އިބްރާހީމް މުޢީން 10 އަހަރު ދުވަހުގެ މުއްދަތަށް ޖަލަށްލުމަށް ޙުކުމްކޮށްފިއެވެ.

އިބްރާހީމް މުޢީން 14 އަހަރުގެ ކުޑަ ކުއްޖަކާމެދު ގަދަކަމުން ބަދުއަޚްލާޤީ ޢަމަލު ހިންގާފައިވަނީ ކުޑަކުއްޖާ ކޮޓަރީގައި އުޅެނިކޮށް އެކޮޓަރިއަށްވަދެ ދޮރުތަޅުލުމަށްފަހުއެވެ.

އިބްރާހީމް މުޢީންގެ މައްޗަށް ދަޢުލަތުން ދަޢުވާ ކޮށްފައިވަނީ، ޤާނޫނު ނަންބަރު 2009/12 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 3 ވަނަ މާއްދާގެ (ހ) އާ ޙަވާލާދީ އެމާއްދާގެ (ނ) ގެ ދަށުން، އިބްރާހީމް މުޢީން ކުޑަކުއްޖަކާމެދު ޖިންސީ ޢަމަލެއް ހިންގުމުގެ ކުށުގެ ދަޢުވާއެވެ.

ދ.މީދޫ އޮއިވަރު ޝަރުމީލާ ޝަރީފުގެ މައްޗަށް ދައުލަތުން ދަޢުވާ ކުރާ ސަރުކާރު ފައިސާއަށް ޚިޔާނާތްތެރިވުމުގެކުށް ޝައްކެއްނެތްމިންވަރަށް ޝަރީޢަތަށް ސާބިތުވާތީ، ޝަރުމީލާ ޝަރީފު ކުއްވެރިވެއްޖެކަމަށް ކަނޑައަޅައި، ޤާނޫނުލް ޢުޤޫބާތުގެ 132 ވަނަ މާއްދާއާއި، ޤާނޫނުލް ޢުޤޫބާތުގެ 143 ވަނަ މާއްދާގެ ދަށުން 03  އަހަރާއި، 07 މަސް ދުވަހުގެ މުއްދަތަށް، ޝަރުމީލާ ޝަރީފު އަރުވާލުމަށް ޙުކުމްކޮށްފިއެވެ.

ދައުލަތުން ޝަރުމީލާ ޝަރީފްގެމައްޗަށް ސަރުކާރުގެ ފައިސާއަށް ޚިޔާނާތްތެރިވުމުގެ ކުށުގައި ދަޢުވާ ކޮށްފައިވަނީ ޝަރުމީލާ ޝަރީފް، ދ.މީދޫ އޮފީހުގެ ފައިސާގެ ކަންތައްތަކާ ވަގުތީ ގޮތުން ޙަވާލުވެގެން ހުރި ހުރުމުގައި، ސަރުކާރުގެ ފައިސާއަށް ޚިޔާނާތްތެރިވެފައިވާތީއެވެ.

ސުނާމީ ކާރިސާއާއި ގުޅިގެން ދަނޑުވެރިކަމުގެ ދާއިރާއިން ގެއްލުން ލިބުނު ދ.މީދޫ ގޭގެއަށް ބެހުމަށްޓަކައި 16 ސެޕްޓެމްބަރ 2009 ދުވަހު ދ.މީދޫ އޮފީހުގެ ތިޖޫރީއިން ނަގާ ޝަރުމީލާ ޝަރީފުއާ ޙަވާލުކުރި -/266888ރ. (ދެލައްކަ ފަސްދޮޅަސް ހަހާސް އަށްސަތޭކަ އަށްޑިހަ އަށްރުފިޔާ)ގެ ތެރެއިން 49 ގެއަށްވާ ފައިސާ -/89572ރ. (އަށްޑިހަ ނުވަހާސް ފައްސަތޭކަ ހަތްދިހަ ދެރުފިޔާ) އެދުވަހު އެގޭގެއަށް ދޫކުރުމަށްފަހު، ބާކީ ހުރި -/177316ރ. (އެއްލައްކަ ހަތްދިހަ ހަތްހާސް ތިންސަތޭކަ ސޯޅަ ރުފިޔާ) ތިޖޫރީއަށް އަނބުރާ ޖަމާކުރުމުގެ ބަދަލުގައި، ޝަރުމީލާ ޝަރީފުގެ މޭޒު ވަތްގަނޑުގައި ޝަރުމީލާ ޝަރީފުގެ ބެލުމުގެ ދަށުގައި ބަހައްޓާފައިހުއްޓާ، 17 ސެޕްޓެމްބަރ 2009 ވަނަ ދުވަހު އެފައިސާގެ ތެރެއިން -/13200ރ. (ތޭރަހާސް ދުއިސައްތަ ރުފިޔާ) މަދުވެފައިވާތީއެވެ.

ސ.ހިތަދޫ ސޯމާ، ޝަފީޤު އިބްރާހީމް ބޭހުގެ ގޮތުގައި ބޭނުންކުރެވޭ މަސްތުވާތަކެތި ދިވެހިރާއްޖެއަށް އެތެރެކުރުމުގެ ކުށުގައި -/50000ރ އިން ޖުރިމަނާކޮށް 10 އަހަރަށް ޖަލަށްލުމަށް ޙުކުމްކޮށްފިއެވެ.

ޝަފީޤު އިބްރާހީމް މިތަކެތި ދިވެހިރާއްޖެއަށް އެތެރެ ކޮށްފައިވަނީ 07 އޮކްޓޯބަރ 2012 ދުވަހު އިންޑިޔާއިން ދިވެހިރާއްޖެއަށް އައިއިރުއެވެ. ޝަފީޤު އިބްރާހީމް ގެނައި އިންސިއުލޭޝަން ޓޭޕް އޮޅާފައިވާ 02 (ދޭއް) ރަބަރު ޕެކެޓްގައި 0.8314 ގްރާމް އެލްޕްރޮޒޯލަމް ހުރިކަމަށް ތަޙްލީލު ރިޕޯޓުންއެގެއެވެ.

ޝަފީޤު އިބްރާހީމްގެ މައްޗަށް ދައުލަތުން ކުރި ޤާނޫނު ނަންބަރު 2011/17 (މަސްތުވާތަކެއްޗާއި ބެހޭ ޤާނޫނު)ގެ ޖަދުވަލު 02 (ދޭއް) ގައިވާ މަސްތުވާއެއްޗެއް ދިވެހިރާއްޖެއަށް އެތެރެކުރުމުގެ ކުށުގެ ދަޢުވާއަށްވަނީ ޝަރީޢަތުގެ މަޖިލިހުގައި އިޢުތިރަފްވެފައެވެ.

ޙުކުމް>>>>>>